Pri la evento
- Dato: la 21-a (sab.) kaj 22-a (dim.) de oktobro 2023
- Kongresejo: Kawasaki-shi Sogo Jichi Kaikan (Kawasaki, Kanagawa) vidi sur Google-Mapo
- Organizanto: Japana Esperanto-Instituto
- Kunlaboranto: Esperanto-Societo de Kawasaki
Kongresa temo
Kion ‹Esperanto› nun revas por la mondo?
La 110-a Japana Esperanto-Kongreso okazos en originala formo: krom sia ĉefa kongresejo en Kawasaki, urbego situanta inter Tokio kaj Jokohamo, ĝi havos plurajn kongresejetojn dise tra la lando, kiuj estos rete ligitaj inter si kaj kun la ĉefkongresejo; la programeroj okazos jen tie kaj jen alie, sed la kongresanoj povos rete partopreni multajn el ili, estante eĉ en sia hejmo.
Anstataŭ jam kutima tri-taga kongreso ni havos kompaktan du-tagan kongreson. Ni tamen kompensos la perditan tempon pli ol sufiĉe per retaj antaŭkongresaj eventoj. Jen alia unikaĵo de la 110-a JEK.
Unu el la antaŭkongresaj eventoj fakte jam komenciĝis en januaro. Temas serio de rondtabla diskuto pri la kongresa temo: “Kion ‹Esperanto› nun revas por la mondo?”.
Lastatempe ni informiĝis pri artefarita intelekto, kiu “parolas” Esperanton. La teknologio pri maŝintradukado kaj aŭtomata interpretado plu progresas. Ĉu la lingvaj baroj de mil jaroj eble dissaltos en proksima estonteco? Do, kian ekzistokialon tiam havos nia lingvo de espero? Jen brule prema demando.
Vi certe vidas, ke la 110-a JEK estos plursence epokfara. Ĉu ne indas, ke vi kontribuu al ĝia sukceso?
Pliaj informoj aperos poste.